Криштиану Роналду Саудия Арабистони чемпионатининг 3-турида “Ал-Иттифоқ” клубига қарши ўйинда жамоадошларининг ҳаракатларидан норози бўлди. Португалиялик ҳужумчи, айниқса, жамоанинг ҳимоядаги хатоларидан жаҳли чиқди. Бу ҳақда Оле нашри хабар берди.
Манбага кўра, Роналду сув ичиш учун берилган танаффус пайтида ҳам, “Ал-Иттифоқ” гол урганидан кейин ҳам жамоадошларига ўз норозилигини билдирган. У футболчилардан ҳимояда янада эътиборли бўлишни талаб қилган.
Роналду алмаштирилганидан кейин ҳам ўйинни ҳиссиёт билан кузатди. У кийиниш хонасига кетаётганида трибунадаги мухлисларга қўл ишоралари орқали норозилигини билдирди. Учрашувнинг иккинчи бўлимида эса майдонга қайтмади.
12-дақиқада Ар-Риёд клуби дарвозабони Бентуга қизил карточка кўрсатилган эди. Биринчи тайм давомида “Ал-Иттифоқ” 2:0 ҳисобида олдинга чиқиб олди. Шунга қарамай, “Ан-Наср” жамоаси бир киши кам бўлиб камбек амалга ошира олди. Садио Мане 74-дақиқада ҳисобни қисқартирди. Орадан уч дақиқа ўтиб, Абдуллоҳ Ал-Амри мувозанатни тиклади. 90-дақиқада Мане яна гол уриб, “Ан-Наср”га 3:2 ҳисобидаги ғалабани тақдим этди.
Шу тариқа, “Ан-Наср” мавсум бошидан буён кетма-кет учинчи ғалабасини қўлга киритди. Жамоа 9 очко билан Саудия Арабистони чемпионати турнир жадвалида пешқадамлик қилмоқда. “Ал-Иттифоқ” эса 6 очко билан олтинчи ўринда бормоқда.
ОАВ: Ламин Ямал севгилиси билан бирга яшашни бошлади
Ўзбекистонлик жаҳон чемпиони АҚШга кўчиб ўтди
«Реал» юлдузи жамоадан маошини оширишни талаб қилди
