Криштиану Роналду 1000 та голнинг яқинага ҳам бора олмайди

«Ал-Насср» сардори учун тез «пасайиш башорат қилинмоқда.

"Арсенал" ва "Челси"нинг собиқ юлдузи Эммануэл Петитнинг сўзларига кўра, Криштиану Роналду фаолиятидаги 1000 та гол уриш мақсадига эриша олмайди.

Яқинда "Манчестер Юнайтед«нинг собиқ жамоадоши Рио Фердинандга берган интервьюсида Роналду фаолиятини якунлашдан олдин 1000 та гол уриш орзуси ҳақида гапирди. «Мен 1000 та голга эришмоқчиман", деди 39 ёшли футболчи. »Агар жароҳатларим бўлмаса, бу мен учун энг муҳими. Мен буни хоҳлайман.«

Роналду айни дамда 907 голга эга, аммо сешанба куни "Ал-Насср"нинг Қирол кубоги баҳсида "Ал-Таавон"га қарши ўйинда пенальтидан 908 гол уриш имкониятини қўлдан бой берди . У ўтган мавсумда барча мусобақаларда ўз клуби учун 50 та гол уришга муваффақ бўлди. Аммо Петит португалиялик юлдуз қирққа яқинлашиб қолганда ҳам гол уриш тезлигини сақлаб қолиши мумкинлигига ишонмайди.

"Криштиану Роналду 42 ёшгача Саудия Арабистонида ўйнаса ҳам, 1000 та голга эриша олмайди", деди Петит. "Бу ёшда бир мавсумда ўртача 30-40 гол уриш жуда қийин бўлади ва у ёш ўтиши билан фақат пасаяди. Ростини айтсам, у бу кўрсаткичга яқинлашишини кутмайман".