Америкалик олимлар коронавирусдан ўлим даражасини сезирали даражада камайтирувчи омилни айтишди. Бостон Тиббиёт мактаби тадқиқотчилари ўз илмий ишларини PLOS ONE журналида эълон қилишди.
Мутахассисларнинг фикрича, қонида етарли даражада D витамини бўлган беморлар орасида коронавирусдан ўлим даражаси сезиларли даража кам бўларкан. Текширишлар натижасига кўра, қирқ ёшдан ошган, бироқ, қонида етарли даражада D витамини бўлган беморларда ўлим кўрсаткичлари бошқаларга нисбатан 51,4 фойизга камроқ экани аниқланган. Олимлар D витамини цитокинлар ҳужуми асоратларининг олдини олишда ҳам ёрдам беришини айтишмоқда.
Эслатиб ўтамиз, D витамини сут ва сут маҳсулотларида, балиқ ёғи, увилдириғи (икраси) ва жигарида, тухум сариғида, картошкада, петрушкада ва бошқа кўплаб маҳсулотларда учрайди. Шунингдек, қуёш нурида етарли даражада тобланиш ҳам организмда D витаминини ҳосил қилиши аниқланган.
Илгарироқ, Рокфеллер университети (АҚШ) олимлари COVID-19 билан боғлиқ ўлим ҳолатлари асосан иммун тизимининг бузилиши билан боғлиқ эканини айтишганди. Тадқиқотчиоар хулосасига кўра, COVID-19 нинг оғир формасига чалинган беморлар текшириб кўрилганда, уларнинг 3,5 фоизида вирусларга қарши ҳимояда иштирок этувчи генлар мутацияга учрагани аниқланган.
