Коронавирусдан тузалган одам ниқоб тақмаса ҳам бўладими?

Коронавирусга чалиниб тузалгандан сўнг беморда иммунитет ҳосил бўлади, лекин бугунги кунда карантин қоидалари бўйича ниқобсиз юриш мумкин эмас. Бу ҳақда Коронавирусга қарши кураш штаби аъзоси Севара Убайдуллаева маълум қилди.

Унинг айтишича, касалликдан тузалган бўлсангиз ҳам, ҳали организмингиз тикланмаган, тиббий ниқобсиз юриб бошқа юқумли касалликларга чалиниш имкониятингиз кучаяди ва сиз бошқа касаллик билан касалланишингиз мумкин.

Шу боис, тиббий ниқобни карантин қоидаларига риоя қилган ҳолда тақиб юриш талаб этилади.