Янги коронавирус ҳаво орқали юқиши мумкин, деб ёзади "Nature".
Нашрнинг таъкидлашича, ҳозирги пайтда ушбу назариянинг ишончли далиллари йўқ. Масалан, ЖССТ тасарруфидаги соғлиқни сақлаш соҳасидаги фавқулодда вазиятлар бўйича дастур директори Майкл Раян ҳаво орқали инфекцияни асемптоматик ташувчилардан юқтириш эҳтимоли борлигини таъкидлади, аммо инфекциянинг 90 фоиздан кўпроғи касаллик белгилари бўлган одамларнинг томчилари орқали содир бўлади.
Бироқ, мутахассислар коронавируснинг юқиши кутилганидан тезроқ ва сезилмайдиган тарзда содир бўлиши мумкинлигини тахмин қилишмоқда. Тадқиқотчилар йиллар давомида зарур далилларни тўплаб бўлишганида кўп одамлар ўлиб кетиши мумкин, деб ёзади мақола муаллифи.
"Ушбу йўналишда ишлайдиган олимларнинг фикрига кўра, вируснинг ҳаво орқали тарқалишига шубҳа йўқ", деди Брисбендаги Квинсленд Технология университети юқумли касалликлар бўйича мутахассиси Лидия Моравска.
"Агар коронавирус ҳаво томчилари орқали юқадиган бўлса, вирус зарралари вақт ўтиши билан ёпиқ жойларда тўпланиб қолиши ёки жуда катта масофаларга етказилиши мумкин", дейди Гонконг университетининг эпидемиологи Бен Ковлинг.
Мутахассисларнинг таъкидлашича, йўталиш ёки ҳансираш пайтида одамлар одатда оғизларини ёпадилар. Шундай қилиб, коронавирусга чалинган одамнинг аксирганидан кўра шу одам билан шунчаки суҳбатлашиш хавфлироқ бўлиши мумкин.
Хуллас, олимлар коронавирус ҳаво орқали юқиши мумкинлигини истисно қилмаган ҳолда ҳавони тез-тез тозалаб, алмаштириб туришни тавсия қиладилар.
Тожикистонда баҳорги муддатли ҳарбий хизматга чақирув режаси 70 фоизга бажарилди
Америкалик таниқли боксчи Баҳодир Жалолов ҳақида фикр бирдирди
ЕЧЛ. Ярим финал. "Бавария" "Реал" билан жанговар дуранг қайд этди
