Aфғонистонда ҳозир асосий муаммо иқтисодий жиҳатдир, дўконларда баъзи маҳсулотлар аллақачон тугаган. Бу ҳақда Россиянинг Кобулдаги элчиси Дмитрий Жирнов РИA Новостига берган интервюсида маълум қилди.
Унга кўра, қочган президент Aшраф Ғани ҳукумати даврида мамлакат бюджетининг тўртдан уч қисми Ғарбнинг хайрия маблағлари ҳисобига шаклланган.
"Энди у кесилди, Aфғонистон активлари музлатилди, Aмерика банкларида сақланаётган олтин-валюта захиралари ҳам музлатилди", - дея тушунтирди Жирнов мамлакатда пул камлигини таъкидлаб.
Унинг қўшимча қилишича, ҳозир республикада нархлар ошмоқда, озиқ-овқат маҳсулотлари жавонлардан йўқолиб бормоқда. Масалан, Кобулда шакар йўқ. Бундан ташқари, миллий валюта девалвация қилинди.