Кескинлик ортди: Маск Трампни қўллаб-қувватлаётганларга таҳдид қилди

Илон Маск Дональд Трамп томонидан илгари сурилган кенг қамровли бюджет режасига қарши чиқиб, уни қўллайдиган қонун чиқарувчиларни ҳокимиятдан кетказишга ваъда берди. У бу қонун лойиҳасини мамлакат қарзини 3,3 триллион долларга оширадигани учун танқид қилган.

“Ҳукумат харажатларини қисқартириш учун сайловда қатнашган, лекин тарихдаги энг катта қарз ошишига овоз берган ҳар бир Конгресс аъзоси ўзига жуда ёмон ҳис қилсин! Агар бу ердаги охирги ишим бўлса ҳам, улар келаси йили ўз партияси саралашидан мағлуб бўлади”, деб ёзди у ўзининг X ижтимоий тармоғидаги саҳифасида. Кейинроқ эса “агар бу лойиҳа қабул қилинса, эртага Америка Партияси тузилади”, деб ёзди.

Ижтимоий тармоқлар орқали қонун чиқарувчиларга бундай таҳдидлар билдириб, технология миллиардери ўзини қайтадан АҚШ президенти билан зиддиятга киритди. Маск ўзининг “ҳукумат самарадорлиги бўлими” — Doge дан бўшаганидан сўнг, Трампнинг бюджет лойиҳасини кескин танқид қилган, чунки у Doge даги ишларини заифлаштиради деб ҳисоблайди. Маск бу қонун лойиҳаси ҳақида бироз хотиржам эди, аммо дам олиш кунида яна баҳсга қайта қўшилди.

Tesla ва SpaceX раҳбари яна бир сиёсий партия ташкил этишни таклиф қилди. “Халқ ҳақида ҳақиқатан ҳам қайғурадиган янги сиёсий партия тузиш вақти келди,” деб ёзди у.

Маск Трампнинг сиёсий кампаниясига 277 миллион доллар ёрдам берган ва шундан сўнг АҚШ президентининг атрофидаги муҳим шахсга айланган. Doge ҳукумат дастурларини кескин қисқартириш орқали 190 миллиард доллар тежашини иддао қилган, лекин Partnership for Public Service (PSP) таҳлилига кўра, бу ҳаракатлар солиқ тўловчиларга 135 миллиард долларга тушган бўлиши мумкин.

Маск ва Трамп ижтимоий ҳимоя дастурлари, атроф-муҳит ва соғлиқни сақлаш лойиҳалари ҳамда халқаро ёрдам дастурларини қисқартиришда биргаликда ҳаракат қилган. Лекин Маск президентнинг асосий таклифини — “катта, гўзал қонун лойиҳаси” деб аталганини кескин танқид қилмоқда. Сенат версиясига кўра, бу қонун лойиҳаси кейинги ўн йилда қарзни 3,3 триллион долларга оширади, Қўйи палата томонидан маъқулланган версия эса 2,4 триллион долларга ошади. Маск ҳар икки версияга ҳам нафрат билан қарамоқда.

Қонуннинг харажат қисмига қарши чиқишдан ташқари, у электромобилларга бериладиган субсидияларни кескин қисқартирганини ҳам танқид қилмоқда. У қонун лойиҳаси “ўтмиш саноатларига пул тарқатади, келажак саноатларига эса жиддий зарар етказади,” деб айтди.