Америкалик миллиардер Илон Маскнинг фикрича, яқин келажакда барча транспорт воситалари, жумладан, самолётлар ҳам электрда ҳаракатланади.
- Бу шунчаки вақт масаласи. Фақат мен мураккаб деб ҳисоблаганим, бу ракеталар, эҳтимол уни тўлиқ электрда учадиган қилиб бўлмас, - деди Маск ижтимоий тармоқда берган интервьюсида.
У шунингдек, Хитой компаниялари автомобиль ва электромобиллар масаласида дунёда энг рақобатбардошли эканини таъкидлаган.
Илон Маск бошқараётган Американинг “Tesla Motors”компанияси 2003 йилда электромобиллар ва у билан боғлиқ технологияларни ишлаб чиқарувчиси ва ривожлантирувчиси сифатида ташкил этилган. Компания электромобиллардан ташқари батареялар ва электродвигателлар ишлаб чиқариш технологияларига ҳам эгалик қилади ҳамда ўз маҳсулотларини “Toyota” ва “Daimler” каби йирик компанияларга сотади.
