Мажбурий ижро бюросининг Жиззах шаҳар бўлими иш юритувида давлат фойдасига ундирилиши белгиланган солиқ қарздорлиги юзасидан қўзғатилган ижро иши бўйича мажбурий ижро ҳаракатлари амалга оширилди.
Ижро ҳужжатлари талабларини ихтиёрий равишда бажариш учун берилган муддатдан сўнг ҳам қарздор томонидан солиқ қарзи тўланмаганлиги сабабли, давлат ижрочиси томонидан қонунчиликда белгиланган тартибда қарздор «Г.Г» МЧЖга тегишли кўчмас мулк объекти хатланди.
Хатлов жараёнида бино белгиланган тартибда рўйхатга олиниб, тегишли процессуал ҳужжатлар расмийлаштирилди.
Қарздорга солиқ қарздорлигини ихтиёрий равишда қоплаш имконияти мавжудлиги, акс ҳолда хатланган мол-мулк қонунчиликка мувофиқ баҳоланиб, электрон онлайн-аукцион савдоларига чиқарилиши ҳамда тушган маблағ ҳисобидан қарздорлик ундирилиши юзасидан тушунтириш берилди.
Мажбурий ижро бюроси давлат ва жамият манфаатларини таъминлаш, бюджет тушумларини ўз вақтида ундириш ҳамда суд ҳужжатлари ва бошқа органлар ҳужжатлари ижросини таъминлаш бўйича қонунчиликда белгиланган ваколатлари доирасида тизимли ишларни давом эттирмоқда.
Эслатиб ўтамиз, ижро ҳужжатлари талабларини ўз вақтида ихтиёрий бажариш ортиқча харажатлар ва мол-мулкка нисбатан мажбурий ижро чоралари қўлланилишининг олдини олади.
Ҳиндистон ТИВ Россия дипломатини чақиртирди
Россияда мигрантларни депортация қилиш учун асослар кенгайтирилди
1 августдан автомобиллар учун газ бепул бўлади
