Молдованинг «Шериф» клуби ҳужумчиси Жасурбек Яхшибоев ЕЧЛ доирасидаги ўйинда «Реал Мадрид» дарвозасига гол урди.
«Сантьяго Бернабеу» стадионида бўлиб ўтган ўйиннинг 25-дақиқасида жамоадошининг чап қанотдан узатган тўпини Яхшибоев боши билан мадридликлар дарвозасига йўллади ва ҳисобни очди.
Ўйиннинг 57-дақиқасида Жасурбек Яхшибоев алмаштирилди. Ўйин 1:2 ҳисобида Молдова клуби ғалабаси билан якунланди.
Икки ўйиндан бери ғалаба қозонаётган Яхшибоевнинг жамоаси ўз гуруҳида 6 очко билан биринчи ўринда кетмоқда.
Мадридликлардан ташқари, «Шериф» билан бир гуруҳда Украинанинг «Шахтёр Донецк» ва Италиянинг «Интер» жамоалари ҳам бор.
