ЖАРда автоҳалокат туфайли 45 киши қурбон бўлди

Жанубий Африка Республикаси Лимпопо вилоятида автобус кўприкдан қулаб тушиб, камида 45 киши ҳалок бўлган. Бу ҳақда “SABC” радиостанцияси хабар тарқатди.

– Мокопан ва Маркен туманлари орасидаги тоғ довонида кетаётган автобус бошқаруви назоратдан чиқиб, машина кўприкдан қулаган ва ёниб кетган, дейилади ахборотда. – Натижада қирқ беш йўловчи ҳаётдан кўз юмди.

Мамлакат транспорт вазири Синдисиве Чикунга маълум қилишича, омон қолган биргина саккиз ёшли қизалоқ касалхонага ётқизилган, яна бир аёлнинг жони шифохонага олиб кетилаётганда узилган.