Исроилнинг 20 та қирувчи самолётлари Теҳрон ва Ғарбий Эрондаги нишонларга ҳужум қилди

Исроил ҳаво кучларининг 20 та қирувчи самолёти Теҳрон ва Эрон ғарбидаги ҳарбий нишонларга 30 та снаряд ташлади.

Бу ҳақда Исроил мудофаа кучлари матбуот котиби маълум қилди.

"Исроил ҳарбий-ҳаво кучларининг 20 қирувчи самолёти аниқ разведка кўрсатмаларига амал қилиб, яқинда Эрондаги ҳарбий объектларга 30 дан ортиқ ўқ-дорилардан фойдаланган ҳолда ҳужум қилди”, — дейилади баёнотда.

Хусусан, “қирувчи самолётлар Исроил давлати ҳудудига зарба беришга мўлжалланган ракеталарни сақлаш ва учириш инфратузилмасига, шунингдек, Эрон ғарбидаги Керманшоҳ ва Медандаги ҳарбий радар стансияларига ҳужум қилди”, — дейилади матбуот хизмати хабарида. “Бундан ташқари, Теҳрон марказида зенит-ракеталарни учирувчи қурилмага ҳужум қилинди”, — дея қўшимча қилди департамент.