Исроил Нажаф ҳудудида 47 та уйни вайрон қилди, 500 га яқин фаластинлик бадавийлар бошпанасиз қолди

Исроил ҳукумати мамлакат жанубидаги Нажаф чўлида «лицензиясиз» деган 47 уйни бузиб, 500 фаластинлик бадавийни бошпанасиз қолдирди.

Нажаф Араб Олий Комиссияси аъзоси Жумаа эз-Зебариканинг Анадолу агентлигига маълум қилишича, юзлаб Исроил полицияси ҳарбий бульдозерлар билан Нажафнинг Умм Батин қишлоғи яқинидаги Ал-Халил водийсига келган ва у ердаги уйларни бузиб ташлаган.

Зебарика яна шундай деди: «Ушбу уйларда ўн йиллар давомида яшаб келган Абу Аса оиласига тегишли 47 та уй бузиб ташланган. Ҳар бир уйда 10 га яқин одам яшаган, демак, 500 киши бошпанасиз қолган».

Унинг сўзларига кўра, бузилишнинг олдини олиш учун узоқ давом этган ҳуқуқий кураш охир-оқибатда Исроил судлари ҳудуд аҳолисига муқобил йўл таклиф қилмасдан, бузишга рухсат берган.

«Демократик деб даъво қиладиган давлатда сиёсатдан кўпроқ маҳаллий аҳоли азият чекади. Бўлаётган воқеа араб фуқароларига қарши уюшган жиноятдир, айниқса Нажафда», - дейди у.

Бузилиш чоғида Исроил полициясининг минтақа аҳолисига ҳужум қилганини ифода этган Зебарика, уйлари бузиб ташланган оилаларга бирдамлик кўрсатган бир одамни полиция ҳам қўлга олганини қайд этди.

Зебарика, Исроил расмийлари томонидан расман тан олинмаган 34 қишлоқда яшовчи 120 минг кишининг амалдаги сиёсат туфайли уйларидан айрилиш хавфи борлигини таъкидлади.

Ижтимоий тармоқларда Исроил полицияси араб депутати Юсуф ал-Атунани туртиб юборгани ва ўзини таништирган бўлсада, уни бузиш жойига боришига тўсқинлик қилаётгани акс этган суратлар пайдо бўлди.

Исроил бу қишлоқларни электр, сув, инфратузилма, таълим ва соғлиқни сақлаш каби давлат хизматлари билан таъминламайди.