Исроил ҳарбийлари Ғазо секторидаги операцияларни кенгайтиришга тайёрланмоқда

Исроил ҳарбийлари Ғазо секторидаги ҳарбий амалиётлар кўламини кенгайтиришга тайёрланмоқда, деди Исроил мудофаа армияси (ЦАҲАЛ) Шимолий қўмондонлиги раҳбари Ори Гордин. Бу ҳақда The Times of Israel ёзди.

Унинг сўзларига кўра, ҳарбийларнинг мақсади «Ғазо сектори шимолидаги хавфсизлик билан боғлиқ вазиятни ўзгартириш, шунда аҳоли ўз уйига хавфсиз қайтиши мумкин». Унинг қўшимча қилишича, ҳарбийлар «Ҳизбуллоҳ» жангчиларига зарар етказишда ва гуруҳнинг ҳарбий салоҳиятини камайтиришда» давом этади.

8 октябрдан бери Ливанда жойлашган террорчилик гуруҳи деярли ҳар куни Исроил шимолидаги жамоаларга ракеталар ва дронлар билан зарба бермоқда. Оқибатда, 80 мингга яқин одам мамлакат ичкарисида ўз уйини тарк этган.