Исфаҳондаги ядро объекти жиддий шикастланган

Эрон АҚШ ва Исроилнинг ракета ҳужуми натижасида Исфаҳондаги ядро объекти жиддий шикастланганини маълум қилди

ISNA'нинг Эрон Миллий ядро хавфсизлик марказига таяниб хабар беришича, 2026 йил 7 март куни Исфаҳон вилоятидаги гамма-нурлар билан стериллаш объекти Исроил ва АҚШ режимлари томонидан ҳаво ва ракета ҳужумига учради.

Маълумотларга кўра, марказ жиддий зарар кўрган, бироқ ҳозирча унинг атрофида радиоактив ифлосланиш ҳақида хабар келиб тушмаган.

Халқаро атом энергияси агентлиги ҳозирча бу баёнотларга изоҳ бермади.