Ироқда америкалик журналист аёл ўғирлаб кетилди – ОАВ

Яқин Шарқдаги воқеаларни мунтазам ёритиб келувчи таниқли журналист Шелли Киттлсон Бағдодда номаълум шахслар томонидан ўғирланди.

Бу ҳақда унинг ҳамкасблари ва Италиянинг ANSA агентлиги хабар бермоқда.

Маҳаллий оммавий ахборот воситалари маълумотларига кўра, журналист ўзи тўхтаган меҳмонхона яқинида ғойиб бўлган. Ҳозирда унинг қаерда эканлиги номаълумлигича қолмоқда.

Маълум қилинишича, ушбу жиноятга алоқадорликда гумон қилинган бир киши қўлга олинган, қолган шериклари қидирилмоқда. Ижтимоий тармоқларда эса журналистни ўғирлаб кетилгани ҳақидаги видеотасвирлар тарқалмоқда.