Қашқадарё вилояти болалар кўп тармоқли тиббиёт марказида икки ёшли беморда лазерли эндоурологик жарроҳлик амалиёти муваффақиятли бажарилди.
“Сийдик-тош касаллиги. Ўнг буйрак тошлари. Гидронефроз ўнгда. II даража” ташхиси билан муассасанинг урология бўлимига келтирилган Дониёржоннинг ўнг буйрагида 2 та тош борлиги тасдиқланди.
Жарроҳлар ингичка найча орқали боланинг буйрагидаги тошларни лазерда майдалаб, чиқариб олишди.
Амалиёт кам инвазив усулда бажарилгани туфайли Дониёржонга 3 кунда уйига рухсат берилиши кутилмоқда.
