Ижевскдаги мактабда содир бўлган отишма натижасида ҳалок бўлганлар сони 13 нафарга етди, деб хабар бермоқда Россия оммавий ахборот воситалари.
Хабарда айтилишича, қурбонлардан 7 нафари болалар бўлган. Нашрларнинг Тергов қўмитасига таяниб ёзишича, жароҳатланганлар сони ҳам ортган. 14 нафар мактаб ўқувчиси ҳамда 7 нафар катта ёшдаги одамлар турли жароҳатлар билан касалхонага ётқизилгани айтилмоқда.
Мактабдаги бошқа ўқувчилар ва ўқитувчилар эвакуация қилинган.
Дастлабки маълумотларга кўра, отишма содир қилган шахс ўз жонига қасд қилган. Ҳозирча унинг шахси аниқланмаган.
Воқеа жойига Удмуртия раҳбари Александр Бречалов етиб келди.
Мактаб Ижевск марказида шаҳар маъмурияти биноси ёнида жойлашган.
Афғонистонда "Толибон"нинг нуфузли амалдори шов-шувли тарзда ўлдирилди
Хоразмда бир аёл уйига меҳмон бўлиб келган аёлни ўлдириб, ҳовлига кўмиб юборди
Шойгу: НАТО қўшинлари Россия чегараларига яқинлашмоқда
