Ҳусийлар: Америка ўз тажовузи учун бадал тўлайди

Исроил Ғазо секторида босқинчилик ва қирғинбарот урушини бошлаганига 377 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар.

▪️Босқинчилар Ғазо маркази, Жабалия ва Нусайрат лагерларига ҳужум қилди. Уруш бошланганидан буён 42409 киши шаҳид бўлди.

▪️Ғарбий Соҳилда босқинчилар Фаластин шаҳарларида катта рейдлар ўтказмоқда. Кичик ёшли қиз ва бир йигит ҳалок бўлди. Наблусда жанглар кетмоқда.

▪️Ал-Қассам бригадалари Жабалия лагерида босқинчилар бўлган бинони портлатиб юборди.

▪️Ҳизбуллоҳ Кирят Шмона, Ҳайфа ва Сафадга ракета ҳужумларини уюштирди. Лабун чегарасида иккита "Меркава" танки йўқ қилинди.

▪️Босқинчи ҳаво кучлари Ливаннинг Баалбек ва Бекадаги Ал-Қаср, Саййид Али ва Гермаш шаҳарларига ҳужум қилди.

▪️АҚШ ва Буюк Британия биринчи марта B2 Spirit бомбардимончи самолётларидан фойдаланган ҳолда Яман пойтахтига 9 марта зарба берди.

▪️Ҳусийлар: Америка ўз тажовузи учун бадал тўлайди, бизнинг Ғазо ва Ливанга нисбатан позициямиз эса ўзгаришсиз қолмоқда.

▪️Сурия ОАВ: Исроил Латакия шаҳрига зарбалар берди.

▪️БМТнинг Ливандаги муваққат кучлари: Тинчликпарварларимиз яна Ливан жанубида Исроил танкидан тўғридан-тўғри ўққа тутилди.

▪️Ироқ қаршилик кучлари дронлар ёрдамида Ум Рашрашга (Эилат - ибронийча) ҳужум қилди.