Тожикистонда “Осиё плюс” ахборот агентлиги журналисти Абдулло Ғурбатий номаълум шахслар томониданкалтакланган. Бу хақда human.uz хабар берди.
23 ёшли журналистнинг айтишича, ҳукумат сиёсатини танқид қилган мақолалари учун унга қўнғироқ қилиб босим ўтказилган. Ғурбатий мамлакатда COVID-19 пандемиясига қарши ҳимоя чоралари жорий этилмаганини танқид қилганини билдирган.
Ички ишлар вазирлиги матбуот котиби Нусратулло Маҳмадзоданинг “Озодлик”ка айтишича, “Ғурбатий ариза берган бўлса, ҳужум қилган шахслар топилади ва қонуний чора кўрилади”. Жабрланувчи ариза берганини айтган.
Апрел ойида “Чегарасиз мухбирлар” ташкилоти дунё мамлакатларининг матбуот эркинлиги бўйича рейтингини эълон қилган эди. Тожикистон 180 мамлакат ичида 161 ўринни эгаллаган.
Шойгу уруш тугайдиган “аниқ ва шубҳасиз” санани маълум қилди
Зеленский шуни ёдда тутиши керакки, у Ашраф Ғани каби ёки ундан ҳам баттарроқ бўлиши мумкин
Гарри Каспаров террорчи сифатида тан олинди
