Ҳормуз бўғозидан ўтишга уринган иккита нефть танкери портлаб кетди

Иккита нефть танкери миналанган йўл орқали Ҳормуз бўғозидан ўтишга уринган, натижада портлаш содир бўлган ва кемалар ёниб кетган.

Бу ҳақда Ислом инқилоби қўриқчилари корпуси эълон қилди.

"Бир соат олдин АҚШ Ҳормуз бўғозининг жанубидаги миналанган йўл орқали ўтишга алдаган иккита нефть танкери портлаб, ёниб кетди", дейилади баёнотда.

Ўз навбатида, ИИҚК Ҳарбий-денгиз кучлари АҚШнинг ҳаракатлари натижасида юзага келган деб даъво қилган ўта хавф туфайли Ҳормуз бўғози юк ташиш учун ёпиқлигича қолмоқда, деб таъкидлади.

ИИҚК шунингдек, сўнгги бир неча соат ичида АҚШ ҳарбийлари кўмагида тўртта кема Ҳормуз бўғозидан ўтишга уринганини қўшимча қилди.

"Ракеталар ва учувчисиз учиш аппаратларидан фойдаланган ҳолда ўтказилган операция натижасида тўртта кеманинг барчаси тўхтатилди", дейилади баёнотда.