Ҳизбуллоҳ Ливан ва Исроил ўртасида уруш бўлса, Кипр ҳам зарар кўради, деб таҳдид қилди

Ҳизбуллоҳ етакчиси Сайид Ҳасан Насруллоҳ Исроил ва Ливан қуролли можарога киришса, Кипр ҳам жабр кўриши мумкинлигидан огоҳлантирди.

"Кипр ҳам бу урушнинг бир қисми бўлади", деди Ҳизбуллоҳ раҳбари CНН иқтибос келтирган видеомурожаатида.

Телеканал, Ливан ҳаракати томонидан Европа Иттифоқига аъзо бўлган Кипрга нисбатан бундай таҳдидларнинг биринчи марта бўлаётганига эътибор қаратмоқда. Орол давлати Ўрта ер денгизида Ливандан 200 км узоқликда жойлашган.

Журналистлар эслатганидек, 2023 йилда Кипр Исроил билан қўшма ҳарбий машғулотларда иштирок этган.