“Ҳизбуллоҳ” аллақачон мағлуб бўлган

бу ҳақда Исроил Мудофаа вазири Исраэл Кац маълум қилди.

Кацнинг сўзларига кўра, cентябр ойи охирида исроиллик ҳарбийлар томонидан “Ҳизбуллоҳ” ҳаракати етакчиси Ҳасан Насруллоҳнинг йўқ қилиниши Исроилнинг Ливан гуруҳига қарши курашдаги "мақсадига эришиш чўққиси" бўлган.

"Бизнинг вазифамиз бу ғалабанинг мевасини олиш учун босимни давом эттиришдир. Исроил Ливаннинг ички сиёсатига аралашишдан манфаатдор эмас, чунки Байрут етарлича сабоқ олди", — дея вазирнинг сўзларини келтиради Reuters.

Кац Ливан билан муносабатлар нормаллашишига, шунингдек, халқаро коалиция “Ҳизбуллоҳ”нинг сезиларли даражада заифлашганидан сиёсий мақсадларда фойдаланишига умид қилишини билдирди.