Ҳиндистонда бир кун ичида 347.058 киши коронавирусга қарши эмланди, бу эмлаш бошланганидан, яъни 16 январдан буён қайд этилган рекорд натижадир.
Бу ҳақда мамлакат Соғлиқни сақлаш вазирлиги маълум қилди.
Аввалги рекорд 21 январда ўрнатилган, ўшанда 237.050 киши эмланганди. Эмлашларнинг ўртача кунлик сони 198.656 тани ташкил қилмоқда.
Эмлаш Ҳиндистонда 16 январда бошланди. Биринчи босқичда 30 миллион киши эмланиши кутилмоқда: 10 миллион тиббиёт ходими ва "хавф зонаси"дан 20 миллион киши - полиция, ҳарбийлар, фуқаро мудофааси ходимлари. Шундан сўнг эмлаш 50 ёшдан ошган ва 50 ёшгача бўлган шахслар орасида амалга оширилади.