Гвинея президенти “Спутник V” билан эмланди

Гвинея президенти Алфа Конде коронавирусга қарши “Спутник V”  Россия вакцинаси билан эмланди.

Бу ҳақда “Guinéenews” телеканали хабар қилди, деб ёзмоқда "sputniknews-uz.com".

Гвинея Москвадан “Спутник V” вакцинасининг 55 та намунасини олган. Аввалроқ мамлакатда 19 нафар юқори лавозимли амалдор, жумладан, мудофаа вазири эмланганди.

Сўнгги маълумотларга кўра, Гвинеяда 14 мингдан зиёд киши COVID-19 билан касалланган. Шулардан 13,3 мингдан зиёд тузалиб кетган. Жами 81 бемор коронавирусдан вафот этган.