Бугун 23 ноябрь, 2026 йил, душанба

O'ZB

Grand Mir қаршисидаги соатли минора олиб ташланмоқда

A A A
Grand Mir қаршисидаги соатли минора олиб ташланмоқда

Тошкентдаги Миробод ва Шота Руставели кўчалари чорраҳасидаги (Grand Mir меҳмонхонаси қаршисида) соатли минора олиб ташланади, дея хабар қилди пойтахт ҳокимияти матбуот хизмати «Газета.uz"га.

Миноранинг ўрнатилиши ижтимоий тармоқларда қизғин муҳокамаларга сабаб бўлди. Фойдаланувчилардан бири Тошкент минорасининг Американинг Сомервилл шаҳридаги «Эслаш вақти» ёдгорлиги (пойдеворига округнинг 2001 йил 11 сентябрдаги терактларда ҳалок бўлган 39 нафар аҳолиси исм-шарифлари ёзилган соатли минора) билан ўхшаш эканига эътибор қаратди. Тошкентдаги минорада ҳам «Time to remember» ёзувининг борлиги объект дизайни кўчирилганига шубҳа қолдирмайди.

«Сўнгги вақтларда шаҳарнинг оммавий жойларида металдан безаклар пайдо бўла бошлади. Мазкур конструкцияларнинг аксарияти ижтимоий тармоқларда ижобий қабул қилинмоқда, бироқ улардан бири баҳсли бўлиб чиқди ва у  Тошкент ҳокими в. б. Жаҳонгир Ортиқхўжаев топшириғи билан тезкорлик билан олиб ташланмоқда», — дейилади ҳокимият хабарида.

Тошкент ҳокимияти ҳузуридаги жамоатчилик кенгаши ҳам пойтахтда янги арт-объектларнинг пайдо бўлаётганига изоҳ бериб, кенгаш уларнинг танланиши ва ўрнатилишига ҳеч қандай алоқадор эмаслиги таъкидлаб ўтилди.

 

Киритилди: 14:39 24.07.2018. Ўқилди: 1381 марта. Фикрлар сони: 0 та.
telegram channel

Энг кўп ўқилган янгиликлар