Метеорит парчалари Германиянинг жануби-ғарбий Рейнланд-Пфальц штатида томлар ва турар-жой биноларига зарар етказди.
Бу ҳақда DPA ахборот агентлиги полиция вакилларига таяниб хабар бермоқда.
Вакилнинг сўзларига кўра, Хунсрюк ва Айфель ҳудудлари ва Кобленц шаҳрида зарар ҳақида хабар берилган. Кобленцнинг Гюльс туманида эса маҳаллий вақт билан соат 19:00 атрофида метеоритнинг қизиган парчаси турар-жой биносининг томига урилди.
Ҳеч ким жабрланмаган. Ўт ўчирувчилар ва полиция ходимлари воқеа жойида ишламоқда.
Ҳуқуқни муҳофаза қилиш органлари ҳам хавф ўтиб кетганини таъкидладилар, аммо зарарнинг аниқ миқдори ҳали аниқланмаган.
Шимолий Рейн-Вестфалия, Гессен, Рейнланд-Пфальц, Саара ва Баден-Вюртембергдан гувоҳлар ижтимоий тармоқларда осмонда олов изи бўлган ёрқин объект ҳақида хабар беришди. Дастлаб, ракета учирилиши ҳақида тахминлар бўлган, аммо хавфсизликка таҳдид соладиган ҳодисанинг ҳеч қандай белгилари топилмади.
Масуд Пезешкиан Яқин Шарқ етакчиларига мурожаат йўллади
Кўрфазда АҚШ учун нохуш вазият
Пойтахтда "тирик китоб" Хайрулла Асадов жаримага тортилди
