Германияда мамлакатнинг собиқ энг йирик атом электр станцияси портлатилди

25 октябрь куни Германия жанубида мамлакатдаги энг йирик собиқ Гундремминген атом электр станциясининг иккита совутиш минораси портлатилди.

Маҳаллий оммавий ахборот воситаларининг хабар беришича, АЭСнинг 160 метр баландликдаги иккита совутиш минораси миналанган ҳолда йўқ қилинган. Бир йилдан ортиқ тайёрланган портлаш минорани 15 сонияда йўқ қилди.

Портлаш туш пайтида содир бўлган, ҳодисани 30 мингга яқин киши кузатиб турган. Об-ҳаво операцияни хавфсиз ўтказишга ёрдам берди: ёмғир туфайли чанг деярли йўқ эди. Уни демонтаж қилиш учун 1800 та тешикка жойлаштирилган тахминан 600 кг портловчи модда ишлатилган, деб хабар берди RWE энергетика компанияси.

Қайд этилишича, бу воқеа Германияда атом энергияси даврининг якунланишини ва янги босқичнинг бошланишини англатади. Мамлакат атом энергетикасидан тўлиқ воз кечган ва барча АЭСларни ёпган.

Гундреммингендаги атом электр станцияси 2021 йил охирида бутунлай тўхтатилган.