Германияда Гитлер давридан кейинги энг жиддий ўнг экстремистик сиёсий силжиш юз берди

Иккинчи жаҳон уруши ва нацистлар мағлубиятидан кейин Германияда ўта ўнг сиёсий кучнинг бирор федерал ерда биринчи марта сайловда биринчи ўринга чиқиши тарихий воқеа бўлди. АфД 2021 йилда бу ҳудудда 20,8% овоз олган эди — энди эса унинг натижаси икки баравардан ҳам ошди. 1932 йилда нацистлар Германияда сайловларда биринчи кучга айланган, кейин сиёсий келишувлар орқали Адольф Гитлер канцлер бўлган. Бугун эса Германиянинг Конституцияси, суд тизими, парламент институтлари ва сиёсий «firewall» механизми бор. АфДнинг ғоялари ўта ўнг, миллатчилик ва антииммиграцион сиёсат билан боғлиқ бўлиб, Германиянинг ички разведка хизмати партияни ўнг экстремистик ташкилот сифатида баҳолаган. Германияда ўта ўнг қарашларга эга партия миллионлаб одамларнинг овозини оляпти. Иммиграция, иқтисодий муаммолар, Европа Иттифоқи сиёсати ва ҳукуматга бўлган норозилик АфДнинг асосий таянчига айланмоқда. Шунинг учун Саксония-Анҳальтдаги натижа Германия учун шунчаки бир сайлов эмас. Бу — Европанинг энг йирик давлатларидан бирида сиёсий марказнинг ўнг томонга жиддий силжиётганидан сигнал деб қаралмоқда.