Германия Украинага тактик дронларини етказиб берди

Германиянинг Quantum-Systems компанияси Украинага Linza тактик дронларининг биринчи партиясини етказиб берганини эълон қилди.

Бу ҳақда Quantum-Systems компанияси ўз баёнотида эълон қилди.

"Quantum Frontline Industries Украина Қуролли Кучларига етказиб бериладиган дронларнинг биринчи партиясини ишлаб чиқаришни якунлади. Ушбу етказиб бериш Германия-Украина қўшма ишлаб чиқариш модели бўйича ишлаб чиқаришни ўрнатиш босқичидан барқарор церийали ишлаб чиқаришга ўтишни англатади", дейилади баёнотда.

Компания бир йил ичида қувватни ошириш ва етказиб беришни тезлаштиришни мақсад қилган.

"Frontline Robotics томонидан ишлаб чиқилган жанговар синовдан ўтган Linza тизимлари "Украина билан биргаликда қуринг" ташаббуси доирасида ишлаб чиқарилмоқда. Ушбу ташаббус Украина Қуролли Кучлари эҳтиёжлари учун барқарор ва кенгайтириладиган ишлаб чиқаришни таъминлаш учун Украина ишланмаларини Германия саноат қуввати билан бирлаштиради", деб таъкидлади компания.

Quantum-Systems 2015 йилда Мюнхенда ташкил этилган. Компания ҳарбий ва фуқаролик мақсадларида фойдаланиш учун разведка ва кузатув дронларини ишлаб чиқаришга ихтисослашган. Компания маълумотларига кўра, унинг бозор капиталлашуви 2025 йилда 3 миллиард евродан ошди. Компания Германия, Австралия, АҚШ ва Украинада ишлаб чиқариш корхоналарини ташкил этган.