Германия Жаҳон чемпионатини бойкот қилиши мумкин. Бунга Трамп сабабчи

Германия 2026 йилги жаҳон чемпионатини бойкот қилиш имкониятини кўриб чиқмоқда. Бу ҳақда Германия канцлери Фридрих Мерцнинг яқин сафдоши бўлган Юрген Хардт маълум қилди.

Немислар АҚШ президенти Дональд Трампнинг Гренландия устидан назорат ўрнатиш режаларига кескин муносабат билдирмоқда. Айнан шу Германия томонидан мундиални бойкот қилишга олиб келиши мумкин, деб ёзади Welt.

Шу билан бирга, Хардт жаҳон чемпионатини бойкот қилиш "охирги чора" эканлигини таъкидлади.

2026 йилнинг ёзида жаҳон чемпионатига АҚШ, Канада ва Мексика мезбонлик қилади. Жаҳон кубогини Аргентина терма жамоаси ҳимоя қилади.