Германиянинг газ омборлари Россиядан газ етказиб беришни қисқартирганига қарамай, режалаштирилганидан тезроқ тўлдирилмоқда, деди Иқтисодиёт вазири Роберт Хабек.
Сентябрь ойининг бошига келиб Германия октябрь ойи учун 85 фоизлик таъминот режасини бажара олади, деди у. Ҳозир газ омборлари 82 фоизга тўлган.
"Бунга, биринчидан, ёзда газ сарфини камайтириш, шунингдек, бошқа етказиб берувчилардан газ харид қилиш ҳажмини ошириш ҳисобига эришилди".
Ноябрь ойига қадар ЕИ директиваси Германиядаги газ омборларини 95 фоизга тўлдириш зарурлигини кўзда тутади.
