Германия фуқароларининг атиги 15 фоизи Мерцнинг ишидан қониқмоқда

Германия фуқаролари тобора кўпроқ канцлер Фридрих Мерцнинг фаолиятидан норози.

Бу INSA институти томонидан Bild газетаси илтимосига биноан ўтказилган янги сўров натижаларидан келиб чиқади.

Натижаларга кўра, респондентларнинг атиги 15 фоизи Мерцнинг фаолиятини маъқуллайди. Апрель ойи охирига нисбатан бу кўрсаткич 4 фоиз пунктга камайиб, рекорд ўрнатди. Шу билан бирга, 77 фоиз (6 фоиз пунктга ўсиш) канцлердан норози, яна 8 фоизи эса қарор қабул қилмаган.

Респондентларнинг атиги 16 фоизи Мерц ҳукумати фаолиятидан қониқиш билдирмоқда, 78 фоизи эса салбий фикрда.

Шунингдек, INSA маълумотларига кўра, Христиан Демократик Иттифоқи ва Христиан Социал Иттифоқининг (СДУ/ССУ) маъқуллаш рейтинги 21 фоизга тушди. Германия учун альтернатива билан фарқ энди 8 фоиз пунктни ташкил этади.

Таъкидланишича, бу СДУ/ССУ учун 2021 йил охиридан бери энг ёмон кўрсаткич. Канцлер Фридрих Мерц (СДУ етакчиси) даврида ҳеч қачон консерватив блокнинг қўллаб-қувватлаш даражаси бунчалик паст бўлмаган.

Респондентларнинг 29 фоизи Германия учун альтернативага овоз беришга тайёр.

Июнь ойи бошида ўтказилган сўровномаларда тахминан 2300 киши иштирок этди.