Германия етакчиси Украинадаги уруш йиллар давом этиши мумкинлигини айтди

Германия канцлери Фридрих Мерцнинг фикрича, Украинадаги можарони тезда ҳал қилишнинг иложи йўқ, вазиятни ҳал қилиш жараёни узоқ вақт талаб қилиши мумкин.

"Бизда ҳеч қандай иллюзия йўқ: тезкор ечим мавжуд эмас," - деди Мерц Вильнюсда Литва президенти Гитанас Науседа билан қўшма матбуот анжуманида. "Бу жараён эндигина бошланди ва кўп ҳафталар, балки ойлар давом этиши мумкин," - дея қўшимча қилди у. Шу билан бирга, ГФР канцлери АҚШ ҳукумати музокаралар йўли билан ечим топишга уринишлардан манфаатдор эмаслиги ҳақидаги фикрни рад этди.

Европаликлар, унинг сўзларига кўра, тинч йўл билан ҳал қилиш АҚШ манфаатларига ҳам жавоб беришига амин. "Мен Америка ҳукумати, жумладан, АҚШ Конгресси билан мунозараларимда айнан шуни уқтиришга ҳаракат қиляпман. Ва менда шундай ҳиссиёт борки, Америка ҳукумати ва Конгрессининг катта қисми буни айнан шундай кўрмоқда," - дея таъкидлади Мерс.