БМТ Бош котиби Антониу Гутерриш Нью-Йоркдаги брифинг чоғида журналистлар саволларига жавоб бераркан, Исроил ва Фаластин масаласида БМТ резолюциясига мувофиқ, Яқин Шарқда тинчлик ўрнатишга хизмат қиладиган икки давлат асосидаги ечимга содиқлигини яна бир бор тасдиқлади. Гутерриш Ғазодаги ҳозирги вазиятни “улкан фалокат” деб атади. Унинг фикрича, айни ҳолат икки сабабга кўра юзага келган.
– Биринчидан биз бутун дунё бўйлаб энг юқори даражадаги ҳалокатга, вайронгарчиликка олиб келадиган ҳарбий кампания билан шуғулланяпмиз, иккинчидан бу кампания табиатан хатолик, – деди у.