Ғазо секторида қум бўрони юз берди

Ғазо секторида қум бўрони юз берди, бу фаластинликлар учун вазиятни янада оғирлаштирди, деб хабар беради Аnadolu.

Икки кунлик бўрон минглаб оилаларнинг вайрон бўлган чодирларига зарар етказди. Фаластиннинг WAFA ахборот агентлиги хабар беришича, қалин чанг ва кўтарилаётган қум бутун анклавни қоплаган. Вақтинчалик чодир лагерларида яшовчилар айниқса қаттиқ зарар кўришди.

Манбага кўра, нафас олиш йўллари касалликларидан азият чекаётган фаластинликлар қийин даврни бошдан кечирмоқда. Улар кучли шамол ва чанг туфайли очиқ ҳавода ёки синган чодирларда яшашга мажбур бўлмоқдалар, бу эса аҳолининг соғлиғини ёмонлаштирди.

Қум бўрони қийин шароитларда яшовчи оилаларнинг аҳволини янада ёмонлаштираётгани таъкидланди. Бу ҳолат сурункали ўпка касалликларидан азият чекаётганлар учун ташвишлидир.

Илгари Исроил ҳужумларига дуч келган фаластинликлар озиқ-овқат, дори-дармон ва бошқа зарур товарларнинг етишмаслиги туфайли жиддий қийинчиликларга дуч келишди. Совуқ об-ҳаво ва ноқулай иқлим шароитлари аҳолининг ҳаётини ёмонлаштирди.