АҚШ Соғлиқни сақлаш ва аҳолига хизмат кўрсатиш департаменти Гарвард университетига ажратилган бир неча кўп йиллик грантларни молиялаштиришни тўхтатди, дея хабар беради Kazinform.
Бу ҳақда АҚШ Соғлиқни сақлаш вазирлиги ижтимоий тармоқларда (Х) эълон қилинган хабарда маълум қилди.
Баёнотга кўра, грантларнинг умумий миқдори тахминан 60 миллион долларни ташкил этган.
Апрель ойи ўрталарида АҚШ Таълим вазирлиги Гарвард университетига федерал грантлар беришни тўхтатишини эълон қилди. Бунга университет томонидан вазирлик талабларини бажаришдан бош тортгани, жумладан, “талабалар ва ходимларнинг фикрлари”ни ўрганиш учун аудит ўтказиш талаби сабаб бўлган.
Кейин Дональд Трамп Гарвардни махсус солиқ мақоми ва чет эллик талабаларни қабул қилиш имкониятидан маҳрум қилиш билан таҳдид қилди.
Университет молиялаштиришни тиклашни талаб қилиб, президент маъмуриятини судга берди.
