АҚШнинг Гарвард университети олими Ави Леб Тинч океани тубида топилган металл шарлар бегона технология эканлиги ҳақида янги далилларга эга эканлигини айтди.
Ави Леб ўтган йили Тинч океани тубида ўзи ва унинг жамоаси кашф этган юзлаб металл шарларга бағишланган янги тадқиқотини эълон қилди.
Унинг фикрича, тадқиқот натижалари мазкур топилмалар ердан ташқари цивилизация томонидан яратилган фазовий кеманинг бир қисми бўлиши мумкинлиги кўрсатмоқда.
Унинг таъкидлашича, янги натижалар шарларнинг кимёвий таркиби Қуёш тизимидаги ҳар қандай маълум материаллардан фарқ қилишини кўрсатмоқда. Таҳлил бу объектлар бизга Қуёш тизимидан келмаганини кўрсатди, деб хабар беради korrespondent.net.
