Ғарб етакчилари Рим папаси Францискнинг вафоти муносабати билан ҳамдардлик билдирди. Ватикан 21 апрелда понтифик вафот этганини эълон қилди; у 88 ёшда эди.
"Кеча мен уни кўрганимдан хурсанд бўлдим, гарчи у жуда касал бўлиб қолган бўлса ҳам. Лекин мен уни COVIDнинг дастлабки кунларида айтган қуйидаги ваъзи учун доимо эслайман. Бу ҳақиқатан ҳам гўзал эди", деди АҚШ вице-президенти Ж.Д.Вэнс ижтимоий тармоқдаги Х саҳифасида.
Польша президенти Анжей Дуда Францискни "замонимиз қийинчиликларига жавобни кўрган буюк раҳмдиллик элчиси" деб атади.
"Буэнос-Айресдан Римгача Рим папаси Франциск черковдан энг камбағалларга қувонч ва умид олиб келишини, одамларни бир-бири билан ва табиат билан бирлаштиришини хоҳлаган. Бу умид ундан кейин ҳам тинимсиз яшасин", - дейилади Франция президенти Эммануэль Макроннинг ижтимоий тармоқдаги саҳифасидаги постида.
Ирландия ва Нидерландия бош вазирлари, Европа комиссияси ва Европарламент раҳбарлари, Германия канцлери ҳам ҳамдардлик билдирди.
Аввалроқ Россия президенти Владимир Путин Рим папасининг вафоти муносабати билан ҳамдардлик билдиргани хабар қилинганди. Россия етакчисининг матбуот котиби Дмитрий Песков Путин ва Рим папаси Франциск бир неча бор учрашиб, бир-бирига катта ҳурмат билан муносабатда бўлганини таъкидлади.
Россия С-300/400 макетлари билан дунё кўзини алдамоқда!
Украина Ўзбекистонга санкция жорий қилди. Учта компания ва бир фуқаро “қора рўйхат”да
“Ота-онам мен билан гаплашмайди…” Блогер Марям Тиллаева шахсий ҳаёти ҳақида интервью берди
