Россия Украина атрофидаги можарони ҳал қилиш учун ҳеч ким билан ҳеч қандай “яширин музокаралар” олиб бормаяпти. Бу ҳақда Россия ташқи ишлар вазири Сергей Лавров маълум қилди.
Ғарб қилаётган ҳамма нарса турли ультиматумларга, жумладан, сиз айтгандек “тинчлик режаси”га мувофиқ қурилган. Президент Владимир Путин жорий йилнинг 14 июнида ишлаб чиққан ташаббус мавжуд воқеликни ҳушёр ва конструктив таҳлил қилиш натижасидир. Биз ҳеч ким билан яширин музокаралар олиб бормаяпмиз. Ғарб музокараларни адолатли асосда ташкил этишдан бош тортмоқда, — деди Лавров.
Вазирнинг таъкидлашича, Ғарб Россия-Украина уруши бошланганидан бери амалга ошираётган деярли барча йўналишлар Россиянинг ультиматумига, шу жумладан сиёсий ва дипломатик келишув истиқболларига мувофиқ қурилган.
Лавров Беларусь билан Евросиё қитъасида янги хавфсизлик тизими бўйича қўшма ташаббус ҳақида гапирар экан, бу бутун Евросиё қитъасига тегишли эканлигини айтган.
Бизнинг таклифимиз қитъанинг барча мамлакатлари манфаатларини ҳисобга олган ҳолда ва манфаатлар мувозанатига асосланган ҳолда, ташқи аралашувларсиз тенг асосда янги хавфсизлик тизимини яратиш истиқболларини кўриб чиқишни истаган ҳар бир кишига қаратилган, — дея қўшимча қилган у.
Усейн Болт ва гепард ўртасида 100 метрга пойга уюштирилди
Европа уялиши керак: Россия Украинада бегуноҳ одамларни қириб ташлаётган пайтда, Европа Иттифоқи Путинга 20 миллиард фунт стерлинг юборди
«Дунёда нефть тугайдиган аниқ кун» маълум бўлди
