Тошкент вилояти Бўстонлиқ туманидаги Чорвоқ сув омборида 2 сентябрь куни чўкиб кетган ота ва унинг икки ўғлини қидириш ишлари тўртинчи кундирки давом этмоқда. Фавқулодда вазиятлар вазирлиги маълум қилишича, қидирув ишларига қутқарувчилар, ғаввослар ва махсус хизматлар жалб қилинган.
Маълум бўлишича, оила аъзолари катерда сув омборида сайр қилган. Улар чўмилиш тақиқланган ҳудудда суратга тушиш учун тўхтаб, кейинчалик сувга тушишга қарор қилган. Қутқарувчиларнинг айтишича, улар чўмилиш пайтида қутқарув жилетларидан фойдаланмаган.
Сувга биринчи бўлиб ўғиллардан бири тушган ва оёғи тортишиб қолган. Уни қутқариш учун отаси сувга сакраган, ортидан иккинчи ўғли ҳам тушган. Натижада учаласи ҳам сувга ғарқ бўлган.
Катерда бўлган марҳумларнинг яқинлари ёрдам сўраган. Катер ҳайдовчиси ҳам уларни қутқариш мақсадида сувга тушган, бироқ фуқароларни олиб чиқишнинг иложи бўлмаган.
ФВВ маълумотига кўра, ҳозир қидирув ишларига бешта қутқарув отряди ва сувда ҳаракатланаётган еттита қутқарув бригадаси жалб этилган. Сирдарё ва Жиззах вилоятларидан ҳам қўшимча қутқарув кучлари чақирилган. Ҳодиса жойида махсус штаб ташкил этилган.
Қидирув ишлари 24 соат давомида олиб борилмоқда. Бироқ сув омборининг катта чуқурлиги ва ҳудуднинг кенглиги қутқарувчилар ишини қийинлаштирмоқда. Ғаввослар 2–2,5 километр радиусдаги ҳудудни текширмоқда.
ФВВ вакиллари қидирув ишлари давом этаётганини ва йўқолган фуқароларни топиш учун барча зарур куч ва воситалар сафарбар қилинганини маълум қилди.
Шаҳноза Мирзиёева Мусулмон Юнусовнинг мурожаатига муносабат билдирди
Фарғонада кўп қаватли уй "подвалида" акула боқилаётгани аниқланди
Уруш оқибатлари: Россия ғалласи Қозоғистонникини сиқиб чиқармоқда
