Футбол бўйича Ўзбекистон U-17 терма жамоаси Индонезияда бошланган жаҳон чемпионатини мағлубият билан бошлади.
Бугун Малига қарши майдонга тушган ўзбекистонлик футболчилар 3:0 ҳисобида мағлубиятга учради. Рақиблар биринчи голни 30-дақиқада киритишди. Иккинчи гол эса Беҳруз Жўматов рақиб футболчисига қўполлик ишлатгани учун белгиланган 72-дақиқадаги пенальтидан киритилди. Учинчи тўп ҳам уч дақиқа ўтар-ўтмас ўзбекистонлик дарвозасини ишғол қилди. Ҳар учта голга Мали ҳимоячиси Мамаду Думбия муаллифлик қилди.
Футбол бўйича 17 ёшгача бўлган футболчилар ўртасидаги жаҳон чемпионати гуруҳ босқичида Ўзбекистон "B" гуруҳидан жой олган. Мазкур гуруҳда ўзбекистонликларга Испания, Канада ҳамда Мали термалари рақиблик қилмоқда.
Мусобақа 10 ноябрдан 2 декабрга қадар бўлиб ўтади. Унда 24 та жамоа ғолиблик учун куч синашишни бошлаган.
