Франциянинг БМТдаги доимий вакили Никола де Ривьернинг айтишича, Париж Ғазо секторида ўт очишни тўхтатишга чақирувчи Яқин Шарқ бўйича ўз резолюцияси лойиҳасини БМТ Хавфсизлик Кенгашига тақдим этиш ниятида.
У бугунги кунда Ғазодаги вазият ҳалокатли эканини таъкидлади, деб ёзади “ТАСС”.
“Франция Хавфсизлик Кенгаши гуманитар резолюциялар бўйича ўз мажбуриятларини бажариши кераклигига ишончи комил. Шунинг учун бугун Франция кенг қамровли резолюция лойиҳасини тақдим этади”, — дея қўшимча қилди доимий вакил.
Унинг сўзларига кўра, лойиҳада "тезкор масалалар" ҳақида сўз боради, унда зудлик билан ўт очишни тўхтатиш ва гаровга олинганларни озод қилиш ҳақида сўз боради.