Франциянинг жануби-ғарбий қисмидаги Пиреней-Шарқий департаментида содир бўлган йирик ўрмон ёнғини аллақачон 1500 гектар майдонни қамраб олган.
Бу ҳақда департамент префекти Пьер Рено маълум қилди.
Унинг сўзларига кўра, ёнғин 18 километрга чўзилган. Ёнғинни ўчириш учун 700 нафар ўт ўчириш ва қутқарув ходимлари, тахминан 200 та транспорт воситаси, тўққизта самолёт ва вертолёт сафарбар қилинган.
Префектнинг таъкидлашича, фақат якшанба куни кечқурун ёнғин Тривеллас коммунаси яқинидаги 900 гектардан ортиқ майдонга тарқалган.
Унинг қўшимча қилишича, кучли шамол ва қийин рельеф ёнғинни ўчиришни имконсиз қилган.
Рено шунингдек, расмийлар кун охирига қадар Тур де Франснинг бир босқичини бекор қилишга қарор қилишлари мумкинлиги ҳақида огоҳлантирди.
Ўн йилдан сўнг пулнинг аҳамияти деярли қолмайди
1 августдан автомобиллар учун газ бепул бўлади
Россияда мигрантларни депортация қилиш учун асослар кенгайтирилди
