Францияда спортчилар учун вирусга қарши ниқоб ишлаб чиқарилди

Франция Спорт вазирлиги ва Соғлиқни сақлаш вазирлиги томонидан спортчилар учун вирусга қарши махсус ниқоб ишлаб чиқилди.

Бу ҳақда “France Info” радиостанцияси хабар бермоқда.

Манба хабарига кўра, спорт пайтида ноқулайликлар туғдирмаслик учун ниқоб шакли ўзгартирилган.

"Биз одамларга хавфсиз муҳитда - ҳам ёпиқ, ҳам очиқ ҳавода спорт билан шуғулланиш имкониятини берадиган ушбу ниқобга катта умид боғлаймиз", деди Франция ёшлар ва спорт вазири Роксана Марасиняну “LCI” телеканалига берган интервьюсида.