Францияда эрта сайловларнинг биринчи босқичининг дастлабки натижалари эълон қилинганидан кейин норозилик намойишлари бўлиб ўтмоқда.
Лиондаги француз намойишчилари деразаларни синдирди, полиция эса кўздан ёш оқизувчи газ ишлатди. Норозилар шаҳар марказида ўт ёқмоқда.
Шунингдек, Париждаги Республика майдонида намойишчилар тутунли бомбаларни ёқиб, сайловларда етакчилик қилаётган Миллий митинг партиясига қарши норозилик билдиришди.
Айни дамда биринчи турдан сўнг Марин Ле Пеннинг ўта ўнгчи «Миллий митинг» партияси етакчилик қилмоқда, «Янги халқ фронти» чап қанот коалицияси иккинчи, Эммануэл Макроннинг партияси эса учинчи ўринда.