Францияда ҲАМАСни молиялаштиришда гумон қилинган беш киши судланмоқда

Францияда террорчи ташкилот ҲАМАСни гуманитар ташкилотлар орқали молиялаштиришда гумон қилинган беш киши суд олдида жавоб бермоқда.

Тергов маълумотларига кўра, гумонланувчилар маблағларни учинчи томонга ўтказган. Тахминларга кўра, ушбу маблағлар кейинчалик ҲАМАС учун йиғилган.

Гумонланувчилар сешанба куни қўлга олинган, жума куни эса уларга нисбатан террорчи ташкилотни молиялаштириш, ишончни суиистеъмол қилиш ва пул ювиш бўйича суд тергови бошланган.

Беш гумонланувчидан уч нафари суд назорати остида қолдирилган. Ҳимоя томони эса улар маблағ йиғишда «фақат гуманитар мақсадларда» иштирок этганини таъкидлаган.

Франция прокуратураси ҳозирча ўтказилган маблағларнинг аниқ миқдорини ошкор қилмаган.