Франция ҳукумати Ўзбекистонга янги элчисини жўнатди.
Мазкур давлатнинг Ўзбекистондаги элчихонаси расмий сайтида келтирилган маълумотларга кўра, Уалид Фук 2025 йил 27 август кунидан Франсиянинг Ўзбекистондаги элчиси лавозимига киришган.
Жаноб Фук Париж Сиёсий тадқиқотлар институтининг давлат ишлари бўйича йўналишида дипломга эга, Франция ТИВнинг Стратегик ишлар, хавфсизлик ва қуролсизланиш бошқармасида иш бошлаган.
Элчи сифатидаги фаолиятини эса Франциянинг Пекиндаги элчихонасида сиёсий маслаҳатчи лавозимида бошлаган.
Ўзбекистонга келгунига қадар эса Франция Президенти администрациясида Осиё, Океания ва Америка бўйича Давлат раҳбари маслаҳатчиси лавозимида ишлаган.
Эслатиб ўтамиз, жорий йилнинг 14 август куни Франциянинг Фавқулодда ва Мухтор Элчиси Орелия Бушез Ўзбекистондаги дипломатик миссиясини якунлаётгани муносабати билан Президент Мирзиёев қабулида бўлган ва Элчи хонимга «мамлакатлар ўртасида дўстлик ва стратегик шериклик муносабатларини мустаҳкамлашга қўшган катта ҳиссаси» учун «Дўстлик» ордени топширилган эди.
"UzAuto Motors" 8 та янги модел чиқармоқчи
Шавкат Мирзиёев уни ташвишга солаётган масала ҳақида гапирди
Жазоир Исроилдан қўрқмайдими?
