АҚШ Федерал қидирув бюроси (ФҚБ) декабрь ойида Виржиния штати фуқаросини ноқонуний равишда ўқотар қурол сақлаганликда айблаб ҳибсга олганида 150дан ортиқ қувурли бомба ва бошқа қурилмаларни топди. Бу федерал прокурорларнинг суд ҳужжатларида айтилган.
Прокурорларнинг душанба куни тақдим этган илтимосномасида айтилишича, агентлар декабрь ойида Бред Спаффорднинг шимоли-ғарбий Норфолкдаги уйини тинтув қилиш пайтида арсенални топдилар. Прокуратура ФҚБ тарихида рекорд миқдордаги қурол мусодара қилинган деб ҳисоблайди.
Портловчи моддаларнинг аксарияти, шунингдек, бомба ясаш асбоблари ва материаллари Уайт оролидаги уйнинг алоҳида гаражидан топилган.
36 ёшли Б. Спаффорд аввалроқ қонунга хилоф равишда ўқотар қурол сақлашда айбланган. Ҳуқуқ-тартибот идоралари ходимларининг айтишича, унинг ёнида рўйхатдан ўтмаган калта ўқли милтиқ бўлган. Associated Press агентлигининг чоршанба куни прокурорларга таяниб хабар беришича, гумондорга портловчи моддалар билан боғлиқ яна бир қанча айбловлар қўйилган.
Рус гази тўхташи қайси давлатларга таъсир қилади, қайсиларига таъсир қилмайди?
Россия Япония ва Жанубий Кореяга ҳужум қилиш режаларини ишлаб чиқди – FT
Россия ҳаво ҳужумидан мудофаа тизимлари Украина қирувчисини уриб туширди
