Финляндия пиёдаларга қарши миналарни тақиқлаш бўйича Оттава конвенциясидан чиқишга тайёргарлик кўришни бошлайди. Бу ҳақда мамлакат ҳукумати расмий веб-сайтида эълон қилинди.
"Ҳозирги кунда Финляндия бевосита ҳарбий таҳдид остида эмас. Оттава шартномасининг бекор қилиниши бизга хавфсизлик соҳасидаги ўзгаришларга янада кўпроқ усуллар билан тайёргарлик кўриш имкониятини беради," - деди мамлакат бош вазири Петтери Орпо.
Фин бош вазирининг таъкидлашича, Хелсинки ташқи сиёсатининг асосий мақсадлари "Финляндиянинг мустақиллиги ва ҳудудий яхлитлигини таъминлаш, мамлакатнинг ҳарбий можароларга аралашиб қолишининг олдини олиш ҳамда фин халқининг хавфсизлиги ва фаровонлигини кафолатлашдан иборат."
Бундан ташқари, Финляндия Давлат кенгаши (ҳукумати) 2029 йилга қадар мудофаа харажатларини ялпи ички маҳсулотнинг камида уч фоизигача ошириш тўғрисида қарор қабул қилди.
Шуни таъкидлаш лозимки, Оттава конвенцияси 1997 йил 3 декабрда имзоланган ва 1999 йил 1 мартдан эътиборан кучга кирган. Мазкур конвенцияга 163 та давлат қўшилган.
Украиналик асир: "Украина Қуролли кучлари қарийб уч йилдан бери хорижий снарядлардан фойдаланиб келмоқда"
🔴 БАА судидан шов-шувли қарор: ўзбекистонликлар ўлимга ҳукм қилинди!
АҚШ мудофаа вазирининг қўлида арабча ёзилган татуировка борми?
